Dinamalar

''என்னால முடியும்; ப்ரூவ் பண்ணி ஜெயிச்சு காட்டுவேன்'': நெப்போலியன் மகன் வீடியோ வெளியீடு

நடிகர் நெப்போலியனின் மூத்த மகன் தனுஷ் தசை சிதைவு நோயால் சிறுவயதிலேயே பாதிக்கப்பட்டு இருக்கிறார். அவருக்கு அடுத்த மாதம் திருமணம் நடக்க இருப்பதால் சிலர் இவர் திருமணம் செய்வது தவறு என்று விமர்சித்து வருகிறார்கள். இதற்கு பதிலடி கொடுக்கும் விதமாக தனுஷ் வீடியோ ஒன்றை வெளியிட்டுள்ளார்.

அந்த வீடியோவில் அவர் பேசியதாவது: சமீப காலமாகவே என்னைப் பற்றி பலர் பேசிக் கொண்டிருக்கிறார்கள் என்று எனக்கு தெரியும். நான் இணையத்தில் எல்லாவற்றையும் பார்த்துக் கொண்டுதான் இருக்கிறேன். என்னை பற்றி சிலர் நெகட்டிவாக பேசிக்கொண்டு இருந்தாலும் அது எனக்கு மோட்டிவாக தான் இருக்கிறது. என்னால் முடியாது என்று சிலர் சொல்வதை கேட்கும் போது நான் யார் என்று ப்ரூவ் பண்ணி ஜெயிச்சு காட்டணும் என்று நினைக்கிறேன். என்னை மாதிரி இருக்கிறவங்க இதை பண்ண முடியாது, அதை பண்ண முடியாதுன்னு நிறைய பேரு சொல்லுவாங்க. அதையெல்லாம் நீங்க கேட்காதீங்க. விடாமுயற்சியோடு ட்ரை பண்ணிட்டே இருங்க. நம்மால் அச்சீவ் பண்ண முடியும். இவ்வாறு தன்னம்பிக்கையுடன் அவர் வீடியோவில் பேசியுள்ளார்.

அமெரிக்காவில் ஐடி நிறுவனம் ஒன்றை நடத்தி வரும் நெப்போலியனின் மூத்த மகன் தனுஷிற்கு நான்கு வயதில் இருக்கும் போது தசை சிதைவு நோய் பாதிக்கப்பட்டது. அதற்காக பல மருத்துவமனைகளில் சிகிச்சை பார்த்தும் குணமாகாத நிலையில் தன்னுடைய மகன் ஆசைப்பட்டதால் இப்போது அமெரிக்காவில் வாழ்ந்து வருகிறார். தன்னுடைய மகனுக்கு 24 வயது ஆகிவிட்ட நிலையில் திருமணம் செய்ய வேண்டும் என்று பெண் பார்த்த நெப்போலியன் தமிழக பெண் தான் எனக்கு மருமகளாக வேண்டும் என்று எதிர்பார்த்திருக்கிறார்.

அவர் எதிர்பார்த்தபடியே திருநெல்வேலி மாவட்டம் மூலைக்கரைப்பட்டியை சேர்ந்த பெண் ஒருவரோடு தனுஷிற்கு எங்கேஜ்மென்ட் முடிவடைந்து இருக்கிறது. நவம்பர் மாதத்தில் திருமணம் நடைபெற இருக்கிறது. நெப்போலியன் அமெரிக்காவில் வசித்து வருவதால் அங்கு திருமணம் நடத்தினால் குடியுரிமை பிரச்னை வரும் என்பதால் ஜப்பானில் தன்னுடைய மகன் திருமணத்தை நடத்த இருக்கிறார்.

• 
  பிராமணர்கள் குறித்து அவதுாறு கருத்து: மன்னிப்பு கேட்டார் 'மஹாராஜா' ...
• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...

• 
  சினிமாவை வாழ விடுங்கள்: நடிகை விஜயசாந்தி
• 
  'கங்குவா' டிரைலரில் பாதி பார்வைகள் பெற்ற 'ரெட்ரோ' டிரைலர்
• 
  வரதட்சணை வாங்கி திருமணம் செய்து கொண்டேனா? ரம்யா பாண்டியன் கொடுத்த ...
• 
  சிவப்பு நிறத்தில் புதிய கார் வாங்கிய ஏ. ஆர். ரஹ்மான்!
• 
  ‛போய் வா நண்பா': ‛குபேரா' படத்தின் பர்ஸ்ட் சிங்கிள் வெளியானது!